កញ្ញា យូរី តារាចម្រៀងល្បីមួយរូប អញ្ជើញជាគណៈកម្មការ វគ្គជម្រុះប្រឡងចម្រៀង សិល្បៈចម្រុះ នៅរោងកុន ស្វាយរៀង ក្រុងស្វាយរៀង
……………………
ស្វាយរៀង៖ នាថ្ងៃទី១៥ ខែធ្នូ ឆ្នាំ២០២៤ មានការប្រឡងចម្រៀង សិល្បៈចម្រុះ ដែលប្រព្រឹត្តទៅនៅ រោងកុន ស្វាយរៀង ក្រុងស្វាយរៀង ដែលមានការអញ្ជើញចូលរួម ជាគណៈកម្មការកិត្តិយស ក្នុងការជ្រើសរើសបេក្ខជនជ័យលាភីដោយ កញ្ញា យូរី តារាចម្រៀងដ៏ល្បីល្បាញមួយរូប និងមានប្រជាប្រិយភាព នៅព្រះរាជាណាចក្រកម្ពុជា។
ការប្រឡងចម្រៀង សិល្បៈចម្រុះ ជម្រុះរកបេក្ខជនជ័យលាភី នាឱកាសនេះ គឺដើម្បីរកអ្នកដែលមានទឹកដមសមត្ថភាពទៅប្រឡងវគ្គផ្ដាច់ព្រ័ត្រ នៅថ្ងៃទី១៣ ខែកុម្ភៈ ឆ្នាំ២០២៥ នៅក្រុមហ៊ុន ឡាក់គី រ៉ូប៊ី ស្ថិតនៅភូមិព្រៃវល្លិ៍ ឃុំថ្មី ស្រុកកំពង់រោទិ៍ ខេត្តស្វាយរៀង។
អ្នកទទួលបានជ័យលាភី នៅវគ្គផ្ដាច់ព្រ័ត្រ
-លេខ១ ទទួលបានរង្វាន់ធំទឹកប្រាក់ ៥,០០០$
-លេខ២ ទទួលបានរង្វាន់ទឹកប្រាក់ ២,០០០$
-និងរង្វាន់លើកទឹកចិត្ត ៣០០$ ក្នុងបេក្ខជនម្នាក់ៗ។
ចំពោះបេក្ខភាពទទួលបានជ័យលាភី នៅវគ្គពាក់កណ្ដាលផ្ដាច់ព្រ័ត្រនេះផងដែរ គណៈកម្មការសម្រេចជ្រើសរើសយកបេក្ខជនចំនួន ៨រូប ដើម្បីត្រៀមទៅប្រឡងនៅវគ្គផ្ដាច់ព្រ័ត្រ ហើយចំពោះបេក្ខជនដែលឈ្នះទាំង ៨រូប ត្រូវបានបង្ហោះនៅលើវេបសាយ ក្រុមហ៊ុន ឡាក់គីរ៉ូប៊ី ហើយបេក្ខជនដែលបានចុះឈ្មោះប្រឡងនៅវគ្គនេះផងដែរ មានចំនួន ៩៩ រូប។
បេក្ខជនអញ្ជើញចូលរួមប្រឡងចម្រៀង ចូលរួមបានដោយសេរី ប្រកបដោយការជឿជាក់ ទំនុកចិត្ត និងមានតម្លាភាព។
ហើយនៅថ្ងៃទី១១ ខែមករា ឆ្នាំ២០២៥ គណៈកម្មការនិងបន្តទៅ ជ្រើសរើសបេក្ខជនប្រឡងចម្រៀងវគ្គពាក់កណ្ដាលផ្ដាច់ព្រាត់ នៅកោះពេជ្រ រាជធានីភ្នំពេញ ដើម្បីរកបេក្ខជនទទួលបានជ័យលាភីបន្ថែមទៀត មកប្រឡងនៅវគ្គផ្ដាច់ព្រ័ត្រ នៅក្រុមហ៊ុន ឡាក់គីរ៉ូប៊ី ស្ថិតនៅភូមិព្រៃវល្លិ៍ ឃុំថ្មី ស្រុកកំពង់រោទិ៍ ខេត្តស្វាយរៀង ជាការផ្តល់ឱកាសសម្រាប់ បេក្ខជនបេក្ខនារី ដែលខកខានមិនបានប្រឡងនៅ ថ្ងៃទី១៥ ខែធ្នូ ឆ្នាំ២០២៤នេះ អាចអញ្ជើញទៅប្រឡងនៅ កោះពេជ្រ រាជធានីភ្នំពេញ បានដោយសេរី។
