តារាចម្រៀង នាយ ចឺម អញ្ជើញជាគណៈកម្មការ វគ្គជម្រុះប្រឡងចម្រៀង និងសិល្បៈជាច្រើនប្រភេទ នៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ
……………………
ភ្នំពេញ៖ នៅរសៀលថ្ងៃទី១១ ខែមករា ឆ្នាំ២០២៥ មានការប្រឡងចម្រៀង សិល្បៈជាច្រើនប្រភេទ ដែលប្រព្រឹត្តទៅនៅមជ្ឈមណ្ឌលសន្និបាត និងពិព័រណ៍កោះពេជ្រ ដែលមានការអញ្ជើញចូលរួម ជាគណៈកម្មការកិត្តិយស ក្នុងការជ្រើសរើសបេក្ខជនជ័យលាភីដោយ នាយ ចឺម តារាចម្រៀងដ៏ល្បីល្បាញ និងមានប្រជាប្រិយភាពមួយរូប នៅព្រះរាជាណាចក្រកម្ពុជា។
ការប្រឡងចម្រៀង សិល្បៈជាច្រើនប្រភេទ ដើម្បីសំរិទ្ធសំរាំងរកបេក្ខជនជ័យលាភីដែលមានសមត្ថភាពពិតប្រាកដ ទៅប្រឡងវគ្គផ្ដាច់ព្រ័ត្រ នៅថ្ងៃទី១៤ ខែកុម្ភៈ ឆ្នាំ២០២៥ នៅក្រុមហ៊ុន ឡាក់គី រ៉ូប៊ី ស្ថិតនៅភូមិព្រៃវល្លិ៍ ឃុំថ្មី ស្រុកកំពង់រោទិ៍ ខេត្តស្វាយរៀង។
អ្នកទទួលបានជ័យលាភី នៅវគ្គផ្ដាច់ព្រ័ត្រ
-លេខ១ ទទួលបានរង្វាន់ធំទឹកប្រាក់ ៥,០០០$
-លេខ២ ទទួលបានរង្វាន់ទឹកប្រាក់ ២,០០០$
-និងរង្វាន់លើកទឹកចិត្ត ៣០០$ ក្នុងបេក្ខជនម្នាក់ៗ។
ចំពោះបេក្ខភាពទទួលបានជ័យលាភី នៅវគ្គពាក់កណ្ដាលផ្ដាច់ព្រ័ត្រនេះផងដែរ គណៈកម្មការសម្រេចជ្រើសរើសយកបេក្ខជនចំនួន ៨រូប ដើម្បីត្រៀមទៅប្រឡងនៅវគ្គផ្ដាច់ព្រ័ត្រ ហើយចំពោះបេក្ខជនដែលឈ្នះការប្រឡងទាំង ៨រូប នាឱកាសនេះផងដែរ ត្រូវបានបង្ហោះនៅលើវេបសាយ ក្រុមហ៊ុន ឡាក់គី រ៉ូប៊ី ហើយចំពោះវត្តមានបេក្ខជនដែលបានចុះឈ្មោះប្រឡងនៅវគ្គនេះ មានចំនួនសរុប ៦៣រូប។
បេក្ខជនដែលបានអញ្ជើញចូលរួមប្រឡងចម្រៀង និងសិល្បៈជាច្រើនប្រភេទឱកាសនេះ មកពីគ្រប់ទិសទីតាមបណ្ដារាជធានីខេត្តនានា គឺចូលរួមបានដោយសេរី ប្រកបដោយភាពជឿជាក់ មានទំនុកចិត្ត និងតម្លាភាព។
